સફળતા ની વ્યાખ્યા??

મારી સફળતાની વ્યાખ્યા હું જણાવીશ પણ એ પહેલાં સફળતાનાં મુદ્દાને એક ઊંડા અને ઉંચા અભિગમથી જોઈએ..

સફળતા ઘણી પ્રકારની હોય છે અને બધી જ સફળતા જેતે વ્યક્તિની વ્યાખ્યા પ્રમાણે જ અસ્તિત્વમાં હોય છે, અન્ય વ્યક્તિ માટે એનું કોઈ મહત્વ કે અસ્તિત્વ છે જ નહીં…આ એક કોમન રીતે વ્યાખ્યાયિત થઈ જ ન શકે.

મોટા ભાગના લોકો પૈસા અથવા ભૌતિક વસ્તુઓની પ્રાપ્તિ અને ભોગ કરી શકવાની ક્ષમતા પ્રાપ્ત કરવી એને સફળતા સમજે છે…અને મોટે ભાગે સમાજ એને જ સફળ માને છે….

સફળતા 1.

🏖️🏡🚐🚐🚗🚗🚁 ખાતામાં 50 કરોડ પડ્યા હોય, શહેરમાં 20-25 ફ્લેટ ભાડે હોય, ગામડામાં 50 કરોડની જમીન હોય. પોતાને રહેવા માટે સરસ મોટો બંગલો હોય, ઘરમાં 4- 5 કાર હોય 10–15 નોકર હોય.. આને સફળતા ગણશો ?

સફળતા 2.

🏝️🏞️🍇🥭🍎🥝🥦🥬🕷️🦗🐞💐🌸🌹🐊🐦🐘🦒🐿️🐇🐾એક માણસ કે જે, એક મોટા જંગલમાં સરકારી નોકરી કરે છે વર્ગ4 માં સામન્ય બીટ ગાર્ડ અને નાનકડો પગાર….પણ આ નોકરી તેણે જાતે પસંદ કરી છે… જી હા..બીજી સારી નોકરી છોડીને આ નોકરી લીધી છે. એક બાઈક એક સામાન્ય ઘર એ પણ ભાડે. આખો દિવસ ભાઈ જંગલમાં, પશુ પક્ષી જુએ, સરસ ફોટા પાડે, શુદ્ધ ઓક્સિજનમાં રહેવાનું. કુદરતી ઝરણાં વૃક્ષો વચ્ચે નોકરી કરવાની… અને કોઈપણ જાતનો સ્ટ્રેસ ભૂલેચૂકે પણ એની આજુબાજુ ફરકે નહિ…એવી મજાની નોકરી કે જે શોખ પણ હોય… શુ આને સફળતાં ગણશો ?

સફળતા 3.

✈️🛬🛩️🛫🚁 નાનપણથી જ ઉડવાના સપના જોતું બાળક સખત મહેનત કરી એરફોર્સમાં ફાઇટર પાયલોટ બને. શોર્ટ સર્વિસ પુરી કરે અને કોમર્શિયલ પાયલોટ તરીકે દેશ વિદેશ ઘૂમે અને સરસ મજાની જિંદગી સારા પગાર સાથે જીવે. શુ આ વ્યક્તિ સફળ છે..?

સફળતા 4.

અલાસ્કા જેવા વિસ્તારમાં, એકલા અટૂલા નાનકડા ગામમાં, સાંજનો સમય હોય, ધીમી બરફવર્ષા ચાલુ હોય, એક નાનકડા પબમાં 5–7 ગ્રાહકો , જુના લાકડાના ટેબલ પર બેઠા, ગરમ કપડાં પહેરેલા હોય અને બિયરની મજા માણતા હોય… આ વખતે એ પબનો વૃદ્ધ માલીક કે જેની પાસે એક વર્ષો જૂની બાઈક બહાર પડી છે, પોતે લાંબી દાઢી રાખી હોય અને હાથમાં ગિટાર પર કઈક સરસ મજાનું લોકલ ગીત ગાતો હોય.. એકદમ ધીમા અવાજમાં અને બહાર શાંત બરફનું વાતાવરણ… આ પબનો મલિક સફળ છે..?

---

તમારો જવાબ કોઈ પણ હોય શકે પણ સફળતાને ચોક્કસ રીતે કોઈ એક ફિક્સ રીતે વ્યાખ્યામાં બાંધવી મુશ્કેલ છે.

મારી સફળતાની વ્યાખ્યા, જે વ્યક્તિ પોતાના માટે પરિવાર માટે ભોજન અને છતની વ્યવસ્થા કરી શકતો હોય અને રોગ વિનાના શરીરમાં 8 કલાક કોઈ ટેંશન વીના સુઈ શકતો હોય એ સફળ જ છે. આનાથી ઉપર તો જેટલું જાવ એટલું ઓછું જ છે.. ઇલોન મસ્ક પણ હજુ પૈસા કમાવામાં વ્યસ્ત જ છે..

ખુશી દિલથી આવે, સુખ મનમાં આવે, અને સફળતા મગજમાં આવે… અને આ બધું આપણી અંદર જ છે. બહાર કાઈ જ નથી. બહાર માત્ર લોકોની માનસિકતા છે , માન્યતા છે, સામાજિક બંધનો, રિવાજો કુરિવાજો વગેરે છે. આ બધા બાહ્ય ફ્રેમમાં બંધાવું જરાય જરૂરી નથી.

આજે ફિલોસોફીનો ઓવરલોડ થઈ રહ્યો છે પણ જરૂરી એવા બે દોહા કબીર સાહેબના મૂકીને આ જવાબને વિરામ આપીએ…

1. તેરા સાઈ તુજમે હે, જ્યો પહુપન મેં બાંસ,

કસ્તુરી કા હિરણ જ્યો ફિર ફિર ઢુંઢત ઘાસ.

2. જૈસે તિલ મેં તેલ હૈ, જ્યો ચકમક મેં આગ..

તેરા સાઈ તુજમે હે જાગ શકે તો જાગ…